ملامح من البراءة ..

سكون .. هدوء .. راحة .. صفاء .. اطمئنان .. أمان

شمس فرحانة ..

وسحابة بتضحك

وسما منورة بالبهجة

حتى الطير بيطير من الفرحة

******************

أحمدك وأشكر فضلك يارب ..

يارب ديمها نعمة واحفظها من الزوال

يارب .. آمين يارب

صفاء السحاب ..

من كام يوم كده بصيت للسما .. في طلعة النهار .. وفي طلعت شمس الصبحية

ببص لقيت .. مساحة كبيرة من أرض سحابية لونها أبيض صافي .. فرحت .. ببص لقيت الشمس مبسوطة .. بقيت انا كمان مبسوطة

وببص كمان لقيت سحابة لونها رمادي أقرب إلى السواد .. اتخضيت وتشائمت .. ياساتر يارب .. مابحبش السحاب الأسود

وعادةً السحاب بيمشي بس بخطوة بطيئة .. ولكن السحابة السودا ده .. بقت تمشي بسرعة غير المعتادة .. وكل مابتمشي عمالة تتفتت وتنقشع شيئاً فشيئاً .. إلى أن اختفت السحابة السودا تماماً ..

رجعت فرحت تاني .. وبصيت للسما وقلت الحمد لله يارب .. حسيت بأمان وتفاؤل لما لقيت السحاب كله رجع أبيض صافي من تاني .. وعرفت إن هو ده صفاء السحاب ..

....................................................................................

حكاية المدينة الفاضلة ..

وردة ناصعة البياض .. صفاء .. نور .. بهجة .. ضحكة صافية بريئة .. براءة أطفال .. معاني جميلة .. عمدان مدينة فاضلة .. لم يبقى سوى اكتمال بناء المدينة ..

وتتوحد تلك المعاني في شخصين .. يمتلكون روح واحدة .. هم من يمتلكون تلك المدينة ..

حلم يراودهم .. أن يبقون معاً في تلك المدينة .. ينشرون الحب والمودة والخير والأمل والبهجة والحياة .. داخلهم عطاء بلا حدود .. أمل رغم الألم .. صفاء في دوام ..

يختلج الصفاء بعض المشكلات ولكن يبقى بينهم دائما ً زمن الصفاء .. وحينما يتعكر الصفو .. يتذكرون حلم المدينة الفاضلة .. يحيون من أجل هذا الحلم .. وكل أحلامهم مرتبطة بهذا الحلم .. أن يبقون سوياً إلى الأبد ..

صفاء الورد ..

يارب ..

يااااااااااااااااااااااااه ..

بطمن من بعيد .. ببقى مفتقدة ناس غالية علية قوى ..

يارب يارب .. عوض صبري خير

يارب هو ممكن يكون حد حاسس بحد وهو بعيد عنه ..

يارب ياكريم .. وصل إحساسي الصادق ..

حقق حلمي الكبير ..

بفرح قوى

لما بحس ان ناس غاليين علية فرحانين بفرح قوى



بتمنى ليهم السعادة والرضا



بتمنى ليهم كل حاجة جميلة



يارب احميهم واحفظهم لي وسلمهم من كل شر .. آمين

حلم ..

حلم كبييييييييييييييير قوى عايش جوايا
بتدخل فيه كل أحلامي الصغيرة
طموحات وأحلام وحياة
نفسي ربنا يبارك في الحلم ده
....................................
حلم جوايا من زمااااااااااااااااان
من وأنا طفلة صغيرة
جيت في وقت نسيت الحلم
لحد ماجه يوم والحلم بدأ يصحى جوايا
اتحقق جزء من الحلم
زي ماتمنيت وانا صغيرة
معقوووووووووول
حلم بقاله سنين يتحقق بعد السنين ده كلها
وبنفس الشكل اللي حلمت بيه
..........................................
سبحانك يارب
وبدأ الحلم يكبر جوايا من تاني
وبدأ الأمل والنور
بدأت البهجة تملي حياتي
...............................................

رغم كل المصاعب
رغم كل التعب
رغم كل الألم
إلا إنى حاسة إن حلمي هيتحقق
في القريب العاجل ..

عيد ميلاد

ياااااااااااااااااااااااااه .. معقول .. سنة كاملة .. بكرة عيد ميلاد أحلى ذكرى وأحلا حاضر و أحلا عمر جاي .. يارب ياكريم ..

يارب يارب السنة الجاية احتفل بالمناسبة ده ..

يوم فرق كتير قوى معايا

اتولدت فيها لحظة من أجمل بل وهي أجمل لحظات عمري

وانها البداية لميلاد حياة

فيها خير .. بهجة .. أمل .. صفاء

انها لحظة تولدت معها العمر الحاضر والعمر الآتى

يارب بارك لي في هذه اللحظة وارزقنى منها الخير

آمين ..