تعبانة ..

إذاي أضحك وأنا تعبانة

ولمين أشكى الهم

أنا حيرانة !

لا والله لا ولهانة ولا عشقانة

ده كل الحكاية أنا تعبانة

من إيه ؟

من ناس في قلوبها الشر

من عيون سهتانة

من كره وحقد

وقلوب شمتانة

طب ليه كل ده

ده انا والله زعلانة

ولما واحد يقول الحق

يبقى من الناس الغلطانة

ويقولو نافق اللي حواليك

عشان تعرف تعيش ويانا

لما واحد عايز يمشى صح

يقولوا لأ ده سكة مش خلصانة

إمشى في الاتجاه الصح

عشان تكون في سكة السلامة

ينصحوك .. إقتل ضميرك

عشان الضماير نايمة وهمدانة

يارب طب فين الصح ؟ !

ده أنا والله تعبانة