نجحت الحمد لله .. ايوة نجحت .. وخلاص أخدت الليسانس .. يااااااااااااااااااااااااااااااااااه .. أربع سنين فاتوا كده .. كان منهم سنة رابعة أحلا سنة .. تحققت ليه فيهم حاجات كتير .. والحمد لله كان عندى صحبة طيبة .. وحسيت ان الناس بيحبونى بجد .. بجد احساس جميل لما تلاقي كل اللي حواليك بيتمنوا ليك الخير .. يااااااااااااااااااااااه ايام مش هتتعوض تانى .. أيام جميلة بجد ..

كنت بحس ان الجامعة بيتى التانى .. باكل واشرب واصلى واذاكر واحضر محاضرات واضحك واهزر والعب كل ده وانا في الجامعة .. كنت بقضي فيها أكتر مابقضي في بيتنا .. لو قعدت اتكلم من هنا لبكرة على الأيام الجميلة ده .. مش هخلص ..

يوم النتيجة بقى .. هو انا اصلا جبت النتيجة على مرتين .. المرة الأولى مكنتش ناوية اجيبها .. بس هي الظروف الجميلة خلتنى اجيبها .. بجد كان يوم من أجمل ايام حياتى .. كنت حاسة بفرحة وسعادة جوايا .. كنت مبسوطة بجد لان يوميها ربنا حقق لي حلم من زماااااااااااااااااااااااااااااااااااااااااااااااااااان كنت بحلم بيه .. وحلم تحقق بالصدفة من غير أي ترتيبات حسيت ان ربنا كريم قوى .. وساعة لما طلعت نتيجتى من الكنترول كانت دهشتى تسبق فرحتى وكادت دموعى ان تسقط .. لكن كنت لازلت خائفة أن لاتكون هي النتيجة وكنت أريد أن أتأكد رسميا منها ..

يوم النتيجة .. وجدت رسالة تقول لي اننى نجحت .. كانت رسالة من أشخاص أحترمهم وأعزهم جدا وكم أتمنى أن أظل معهم طوال حياتى .. يبشروننى بنتيجتى .. سعادتى كانت لاتوصف .. وظللت أصرخ وأقول نجحت رسمي .. نجحت رسمي .. ذهبت الى أمى لأبشرها بالخبر وكانت نائمة أستيقظت وهي مبتسمة ضمتنى بروعة .. كنت سعيدة حقا .. كانت أروع نتيجة في حياتى .. حقا استبشرت خيرا .. يارب حقق لي أحلامى ..

تقدير التراكمى جيد .. فرحت جدااااااااااااااااااااااااااااااااااا .. حقا فرحت من أعماق قلبي .. الحمد لله .. لايضيع الله أجر من أحسن عملا ..